Ofrimi i shërbimeve të orientuara në komunitet, me akses në shërbimet sociale për të ulur vulnerabilitetin dhe për të riintegruar personat në rrezik të lartë të trafikimit në Shqipëri. Identifikim i hershëm i personave në rrezik, ndërhyrje parandaluese dhe efiçente, nëpërmjet fuqizimit të komunitetit dhe pjesëmarrjen në mënyrë direkte të familjeve, fëmijëve dhe të rinjve.
Qëllimi
Kjo ndërhyrje synon identifikimin e hershëm të individëve në rrezik trafikimi në Shkodër, Kukës dhe Dibër dhe referimi i tyre tek shërbimet përkatëse për të parandaluar viktimizimin e mëtejshëm; Mbështetjen e aksesit në shërbime cilësore dhe të koordinuara, fuqizimin si edhe riintegrimin e personave në rrezik trafikimi dhe familjeve të tyre, bazuar në nevojat që paraqesin.
Është e pranuar se grupet me rrezik të lartë trafikimi janë ato me histori abuzimi, dhune, situate jofunksionale të familjes dhe mbështetje sociale të ulët, shumë shpesh të shoqëruara nga një përhapje e lartë e abuzimi seksual, dhunës në familje, abuzimit me substance, martesë në moshë të hershme dhe punës së detyruar. Ndaj, rritja e reziliencës të personave me rrezik të lartë trafikimi, paraqesin mure mbrojtëse për të shmangur viktimizimin e mëtejshëm të tyre dhe për të parandaluar trafikimin.
Aktivitetete kryesore:
- Identifikimi i fëmijëve, të rinjve dhe familjeve në rrezik, në zonat e synuara, përmes aktiviteteve në terren.
- Mbështetja e Qendrave Komunitare Multi-Funksionale për të ndihmuar familjet vulnerable nëpërmjet shërbimeve fuqizuese, përfshirjes sociale dhe rrjeteve mbështetëse.
- Ofrimi i shërbimeve fuqizuese për të rinjtë, duke përfshirë këshillim psiko-social, këshillim karriere, iniciativa sociale të drejtuara nga të rinjtë, mbështetje nga bashkëmoshatarët dhe aktivitete psiko-sociale për fëmijët dhe të rinjtë.
- Parandalimi i braktisjes së shkollës nëpërmjet aktiviteteve të integrimit në shkollë dhe klasa pas-shkollore për të rinjtë dhe fëmijët nga komunitetet në nevojë.
KOHEZGJATJA: 2020 - 2022
SHTRIRJA GJEOGRAFIKE: Shkodër, Kukës, Dibër
Projekti “Transformimi i Përgjigjes Kombëtare ndaj Trafikimit të Qënieve Njerëzore në dhe nga Shqipëria” udhëhiqet nga UNICEF Albania dhe mbështetet nga Qeveria Britanike.
