Objektivi i përgjithshëm i këtij projekti është që të përforcojë bashkëpunimin midis Francës dhe Shqipërisë, të gjenden shtigje të reja për mbrojtjen e të miturve Shqiptarë të pashoqëruar në Francë, si dhe të parandalohet trafikimi i të miturve Shqiptarë në Francë.
Aktivitetet në fazën e parë të këtij projekti kanë për qëllim, nga njëra anë, të rrisin efiçencën e shkëmbimit të informacionit midis autoriteteve përgjegjëse të fushës, teksa nga ana tjetër synon të fuqizojë kapacitetet e strukturave të vlerësimit social në Shqipëri. Si rrjedhojë, është planifikuar të organizohet një trajnim specifik në nivel të institucioneve qëndrore dhe ato lokale në bashkitë e Tiranës, Kukësit dhe Shkodrës si dhe të ofrojë mbështetje për punonjësit e mbrojtjes së fëmijëve dhe administratorët social në bashkitë e sipërpërmendura. Terre des hommes Shqipëri e ka zhvilluar këtë projekt bazuar në dy objektiva:
- Rritjen e efektivitetit të informacionit që shkëmbehet midis autoriteteve përgjegjëse për familjen dhe mjedisin social të të miturve të lindur në Shqipëri dhe të pranishëm në territorin Francez.
- Përforcimi i kapaciteteve për kryerjen e vlerësimit social në Shqipëri.
