Gjatë eventit final, anëtarët e Bordit Këshillimor të Fëmijëve (BKF) dhe grupeve "TI KRIJON" të të rinjve të mbështetur nga Terre des hommes, u mblodhën së bashku për të festuar njohuritë dhe përvojat që kanë fituar përmes pjesëmarrjes së tyre aktive në këto grupe. Ndarja e nismave dhe historive personale që kanë prekur dhe përmirësuar e jetën e të rinjve në komunitetet e tyre, duke ofruar mundësi për bashkëpunim, kreativitet dhe rritje ishte frymëzuese.
Të rinjtë patën mundësinë të shkëmbejnë ide dhe të paraqesin ndikimin e rrugëtimit të tyre në projekte të ndryshme komunitare. Takimi nuk ishte thjesht festimi i arritjeve, por një moment për të reflektuar mbi fuqinë e nismave të udhëhequra nga të rinjtë dhe ndryshimin pozitiv që ato sjellin për bashkëmoshatarët e tyre. Nëpërmjet shkëmbimit të ideve dhe përvojave, të rinjtë planifikuan se si të vazhdojnë të punojnë së bashku për të sjellë ndryshime edhe më positive në komunitet. Duke nxitur një mjedis krijues, këta lider të rinj janë të gatshëm të adresojnë sfida edhe më të mëdha në të ardhmen.
Ky takim u zhvillua në kuadër të programit “Transformimi i Përgjigjes Kombëtare ndaj Trafikimit të Qenieve Njerëzore në dhe nga Shqipëria”, zbatuar nga Terre des hommes, udhëhequr nga UNICEF Albania dhe mbështetur nga British Embassy Tirana.
