Të sigurohet që viktimat dhe viktimat e mundshme të TiP-së në Ballkan të kenë akses në shërbimet e parandalimit, mbrojtjes dhe riintegrimit gjithëpërfshirës përmes mekanizmave funksionalë kombëtarë dhe transnacionalë të koordinimit për identifikimin, menaxhimin e rasteve dhe shërbimet e bazuara në komunitet.
Qëllimi
Kjo iniciativë bazohet në mekanizmat ekzistues rajonalë dhe kombëtarë që promovojnë bashkëpunim dhe koordinim më të mirë për identifikimin dhe ndihmën e hershme për viktimat dhe viktimat e mundshme të TP, dhe zgjeron spektrin e ndihmës dhe vazhdimësinë e shërbimit për viktimat e mundshme dhe viktimat e trafikimit bazuar në mbështetjen në nivel komuniteti.
Projekti synon të forcojë kapacitetet e ofruesve të shërbimeve dhe institucioneve qeveritare për të siguruar ofrimin e shërbimeve gjithëpërfshirëse për viktimat e TP në katër vende të rajonit të Ballkanit.
Projekti është një përpjekje e përbashkët e Misioneve Terre des hommes në Shqipëri dhe Kosovë, me gjashtë partnerë lokalë në katër vende të ndërhyrjes: Nisma për Ndryshim Social - ARSIS dhe Të ndryshëm dhe të Barabartë në Shqipëri; Shoqata për Veprim Kundër Dhunës dhe Trafikimit me Qenie Njerëzore - Porta e Hapur në Maqedoninë e Veriut; SOS Hotline për Gratë dhe Fëmijët Viktima të Dhunës Nikshiq në Mal të Zi; Shpresa dhe Shtëpitë e Fëmijëve dhe Qendra për Mbrojtjen e Viktimave dhe Parandalimin e Trafikimit me Qenie Njerëzore (PVPT) në Kosovë. Ky projekt u financua nga Zyra e Departamentit Amerikan të Shtetit për Monitorimin dhe Luftimin e Trafikimit të Personave (J/TIP).
