Grupi i të rinjve ka ndërmarrë rishtazi një inisiativë të identifikuar përgjatë rrugëtimit “Ti Krijon” për të nxitur ndërgjegjësimin mbi një nga sfidat kryesore me të cilën përballet komuniteti i tyre. Ata adresuan shqetësimin për përfshirjen në sjellje të rrezikshme dhe madje krijimin e varësive të ndryshme tek të rinjtë, që mund t’i çoj ata të ekspozohen ndaj riskut të të qenurit në kontakt apo në konflikt me ligjin. Në vend që vetëm të flasin për problemin, ata ndërmorrën dhe veprime konkrete!
Inisiativa e tyre lidhet me përdorimin e artit si instrument ndryshimi 🎨 Pasi zhvilluan një seri aktivitetesh advokuese për një jetesë të shëndetsshme në komunitet, familje, shkollë dhe lagje, grupi i të rinjve të Terre des hommes shpalosën kreativitetin e tyre përmes pikturës, duke dëshmuar se fuqia e vërtetë e ndryshimit qëndron tek parandalimi!
Në këtë garë mes të rinjve të klasave të ndryshme të angazhuar nga të rinjtë tanë u vlerësua nga juria e përbërë nga përfaqësues të shërbimeve psikosociale, oficeri i sigurisë dhe stafi i qendrës komunitare nr.5 “Për Familjen” përzgjodhi punimin fitues.Le të mbështesim përpjekjen e këtyre liderëve të rinj për një të ardhme më të shëndetshme për të gjithë ne së bashku! Ky aktivitet u zhvillua në kuadër të programit “Transformimi i Përgjigjes Kombëtare ndaj Trafikimit të Qenieve Njerëzore në dhe nga Shqipëria”, implementuar nga Tdh, udhëhequr nga UNICEF Albania dhe mbështetur nga Ambasada Britanike në Tiranë.