Manual për Punonjësit për Mbrojtjen e Fëmijës, Anëtarë të Grupit Teknik Ndërsektorial në Lezhë dhe Durrës, për Menaxhimin e Rasteve të Fëmijëve të Huaj të Pashoqëruar dhe të Ndarë dhe Mbrojtjen e Tyre nga Shfrytëzimi dhe Dhuna Seksuale

Ky manual ka për qëllim të shërbejë si dokument pune dhe të ofrojë, në mënyrë të përmbledhur dhe në përputhje me kuadrin ligjor përkatës në fuqi, procedurat që duhet të ndiqen nga Punonjësi i Mbrojtjes së Fëmijës (PMF) edhe si pjesë e Grupit Teknik Ndërsektorial (GTN) për menaxhimin e rasteve të Fëmijëve të Huaj të Pashoqëruar dhe të Ndarë (FHPN) me qëllim mbrojtjen nga dhuna dhe abuzimi seksual.